Les mots surlignés font l'objet d'une note
1Monsegneur, hyer au soir, monsieur des Adrestz, faché de
2ne treuver la compagnie du cappitaine Bernard en ce lieu du Bourg,
3comme il mavoit asseuré le matin comme aussi de quelque petite
4incommodité de playe que survint à laprès disner, me dict que
5je me resolusse quil ne partiroit poinct de Bryanson quil
6ne heust réuni et rassemblé ces compagnies audict lieu,
7soy plaignant des traictes excessives et peu de moyen delles
8entretenir. Je respondis à chascung chef de sa plaincte, luy
9disant que ce nestoit que les traictes et estappes acoustumées
10avec ung reffuz du séiour qu’il prétend fère audict Brianson en
11protestation de lexcès de voz commandemens et ordonnances et
12que plustost il vous debvoit avoir faict entendre celle resolution
13sienne à laquelle, de vostre authorité, vous heussiez pourveu.
14Ce nonobstant, je fuz contrainct le laisser obstiné en son
15desseing, me disant quil ne vouloit poinct entrer seul en Piedmont.
16A toutes fins, je nai laissé dadvertir ceux dudit lieu de Bryanson
17pour, si tant est que je ne puisse veincre ledit sieur des Adrestz,
18ne les surprendre depourveus de tous vivres et qu’ilz ne fassent
19compte en avoir eu aucung advertissement de moy. Nous
20partons presentement pour aller au Vilars d’Arènes. Si je les
21puys passer Bryanson sans seiour, la necessité les contraindra
22assés de passer en tout votre gouvernement. Ce pendant,
23monsegneur, il vous plairra me commander voz bons plaisirs,
24ausquelz j’obeyrey toute ma vie très humblement, priant Dieu
25Monsegneur, vous donner en toute prospérité, accomplissement
26de voz désirs. De Bourg d’Oysans, ce XVIIIe juliet 1572
27Votre très humble et très obéissant
28serviteur
29de Buffevant